Wusaghui ghwa Isanga

“Isanga jose jazama kwakulegha memu ya mlungu,Wanedu isanga jazama…..” Nuko waghora m’bori Abednego Mwanjala kwa lumbo lwake “Is (z)anga jazama”…….
Wanedu mkundwagha nandighi namroghua m’bose kwa ngolo ipoie isene kinyongo na yekusera.Linu siwurie mlodi angu mchili anduangi ela Lumbo ulo lwaniwonyera ni loli izanga jedu ja dawida na Kenya yazama andu wulongozi ghwalaghaya.

Japo nadakunda mawono ghenyu;Andu davikia nikavung’ui na wusaghui wa vilongozi wa Isanga jedu….Tanu oho koko na Nguma isaghua (kwavikishire Miaka na koko na “Kipande”(Voter Card)?
Wadawida de watini lakini Dawida diamba wada nani uka mkifumbi isangenyi? Na aja Woi,Wundanyi,Mwatate na Tuweta ni uao wawekaa sa ing’oni?

Kughora Loli kama dighalagha mzinyi mwawona chia razama,nguma ya wandu kupata mafunyo yaenda ndonyi,wukiwa ghwazidi.
Wadawana ajhe mzinyi wachakaa ni weke “Mwachofi” M’bangara na Mboko nio kazi hata mifugho rasinda njala na mbuwa ralala.Nesi dawekundamanya dawebonya wada eri isanga jedu ja dawida jike jipoie.

Wuja Mwandawiro wa Mghanga wabonya nicha angu ni ngelo elola mzima nasikira Mwaisaka Philemon,Mwadeghu,Shako,Mwanyengela Ngali na wazima wekoTanu nadalomba diwizighane nicha sana.
Ajha Woi Boniface ni wada,na Wele Chome wavisa Ngelo angu wiaghunyaghunya wori.
Mwatate lee! Madoka ni wada?Calisto Oko aeni angu Mwakio wa Mcharo uwuya kiwachenyi?

Tuweta lee! Naomi ni wada? Watima angu muawona mzighane kuzima?Ngera mwawawona waka wengi wingie kiwachenyi wusaghuinyi?

Mwisho kwa idime nafunya pole rapo kwa wakichuku wose wa Mndwasagha Mghosi Frank Mcharo,uhu Aba odekunda kidawida hata oandikeghe chuo cha kidawida.

Mawono Ghenyu naghifunguya mterengo (Mnyango).